4:1 諸個代誌以後，我看見，佇天裡有門開。閣有我起頭所聽見的聲，親像號頭及我講話的，講：「你上來遮，我欲將後來所的確成的事指示你。」
4:2 我隨時受神的感動，忽然看見有座位設佇天裡，座位頂有坐的。
4:3 彼個坐的，伊的容貌親像碧玉及瑪瑙；伊的座位周圍有虹，看了親像璁璜玉。
4:4 座位的周圍有二十四個座位；坐佇彼頂面的有二十四個長老，穿白衫，頭殼戴金的冕旒。
4:5 對彼個中央的座位有發出閃爁，及聲，及雷；亦有七支燈火點佇座位前；就是上帝的七個神。
4:6 座位前有親像玻璃的海，彷彿親像水晶。座位中及座位的周圍有四個活物，前後有目睭滿滿。
4:7 頭一個活物親像獅，第二個活物親像牛仔，第三個活物有面親像人，第四個活物親像飛的鷹。
4:8 四個活物各有六個翅，周圍及內面遍身有目睭。暝日攏無歇睏講：聖哉！聖哉！聖哉！主上帝，全能者，早佇、現在佇、將來亦佇的。
4:9 逐擺活物將榮光、尊貴、感謝歸互坐佇座位，活到代代無盡者，
4:10 二十四個長老就仆佇彼個坐佇座位者的面前，敬拜彼個活到代代無盡的，閣將的冕旒佇座位前，講：
4:11 阮的主，阮的上帝，你堪得受榮光、尊貴、權能；因為你曾創造萬物，萬物佇萬物受創造攏是對你的旨意。