3:1 我講：雅各諸個首領，以色列家諸個官長啊，恁著聽！恁豈呣著知影公平嗎？
3:2 恁怨恨好愛歹，剝人的皮，對的骨剔肉。
3:3 亦食我的百姓的肉，剝的皮，遏折的骨頭，切歸塊親像欲落鍋，閣親像鼎內的肉。
3:4 彼時欲求叫耶和華，若是伊無欲應。彼時伊欲照所行的歹代對掩面。
3:5 耶和華論到許個互我的百姓行錯路的先知按呢講，的嘴齒若有物通哺，就叫講：平安啊！人若無用物塞的嘴，就備辦交戰攻擊伊。
3:6 所以恁欲抵著暗暝，致到看見異像；閣欲抵著黑暗，致到占卜。許個先知欲抵著親像日落，亦抵著日時變黑暗。
3:7 彼時先見者見誚，占卜者漏氣，攏欲掩的嘴唇，因為上帝無聽。
3:8 若是我，我對耶和華的神，有氣力、有公平、有才能滿滿，通對雅各講明伊的過失，對以色列指出伊的罪惡。
3:9 雅各的首領、以色列家的官長，怨恨公平，枉屈正直者啊；恁著聽！
3:10 用血建立錫安，用罪惡起造耶路撒冷。
3:11 的首領為著賄賂來審判；的祭司為著工錢來教示；的先知為著銀來占卜。猶久倚靠耶和華，講：耶和華豈無佇咱中間嗎？災禍無臨到咱。
3:12 所以因為恁的緣故，錫安欲互人犁親像田園，耶路撒冷欲變做土堆；此個殿的山欲親像樹林高的所在。