10:1 耶穌就叫伊十二個學生來，互有制壓邪神的權，來趕逐，續醫好逐樣的症頭逐樣的病疼。
10:2 十二使徒的名就是諸個：頭一個西門（叫做彼得），及伊的兄弟安得烈，西庇太的子雅各及伊的兄弟約翰，
10:3 腓力及巴多羅買，多馬及抽餉的馬太，亞勒腓的子雅各，及達太，
10:4 加拿尼的西門，及加略人猶大就是賣耶穌的。
10:5 耶穌差此十二人，續吩咐講：「外邦的路，莫得行；撒瑪利亞人的城，莫得入；
10:6 卡好著去就近以色列家失落的羊，
10:7 行的時著傳，講『天國近啦！』
10:8 醫好有病的，互死的復活，互癩的清氣，趕鬼。恁白白得著，著白白互人。
10:9 恁的腰肚內，攏呣通有金銀銅；
10:10 路裡亦莫得有褡褳；莫得二領衫，莫得鞋，莫得枴仔。因為做工人堪得得著伊的飲食。
10:11 恁所入的無論甚麼城，甚麼鄉里，著探聽其中是誰會堪得，就佇遐，到離開的時。
10:12 入彼個厝，著給伊請安。
10:13 彼個厝若會堪得，就互恁的平安到佇伊，若堪得，就互恁的平安歸佇恁。
10:14 見若呣接納恁、呣聽恁的話的，出彼個厝，彼個城的時，著拂去恁腳裡的土粉。
10:15 我實在給恁講，當審判的日，所多瑪及蛾摩拉的地方，比彼個城猶卡快擔當！」
10:16 「今我差恁，親像羊佇豺狼的中間；所以恁著智識親像蛇，純良親像鴿仔。
10:17 總是著持防人；因為欲將恁交互公會，亦欲佇的會堂鞭拍恁，
10:18 閣恁亦欲為著我的緣故受拖到總督及君王的面前，來做干證佇及外邦人。
10:19 若是恁受送交的時，莫得掛慮欲怎樣講，抑是講甚麼話。因為所著講的，欲佇彼時賞賜恁；
10:20 因為呣是恁家己講，是恁的父的神佇恁講。
10:21 兄弟欲將兄弟送交去死，父款待子亦按呢；子兒欲起來攻擊父母，互死；
10:22 亦恁因為我的名欲互眾人怨恨。獨獨吞到路尾的伊欲得著救。
10:23 佇此個城窘逐恁，著走到彼城。我實在給恁講，以色列諸個城，恁行未，人子就到。
10:24 學生過先生；奴僕過主人。
10:25 學生親像先生，奴僕親像主人，就夠額。人既然叫家主做別西卜，何況叫伊家內的人？」
10:26 「所以，莫得驚；因為無有蓋密後來無露出的事，亦無有隱密後來無互人知的。
10:27 我佇暗中給恁講的，恁著佇光明的所在講出；俯佇耳孔給恁講的，著佇厝頂傳伊。
10:28 許個害死身軀、害死靈魂的，莫得驚；獨獨彼個會滅靈魂及身軀佇地獄的，卡著驚。
10:29 二隻雀鳥仔豈呣是賣一分銀嗎？若呣是恁的父有准，一隻亦磕落地；
10:30 就恁的頭毛亦攏過算。
10:31 所以，恁莫得驚，恁比多多雀鳥仔卡貴氣！」
10:32 「所以見若佇人的面前認我的，我亦佇我佇天裡的父的面前欲認伊；
10:33 見若佇人的面前呣認我的，我亦佇我佇天裡的父的面前欲呣認伊。」
10:34 「莫得拍算我來是欲互地上和平；我來呣是欲互伊和平，就是落刀劍。
10:35 因為我來是互子及伊的老父絕情，查某子及伊的老母，媳婦及伊的乾家，亦欲按呢。
10:36 閣人的對敵就是伊家己家內的人。
10:37 「疼父母卡過頭佇疼我的，堪得佇我；疼子查某子卡過頭佇疼我的，堪得佇我；
10:38 呣背家己的十字架來隨佇我的後面的，亦堪得佇我。
10:39 得著伊的生命的人，欲失落伊；為著我失落伊的生命的人，欲得著伊。」
10:40 「接納恁的就是接納我；接納我的就是接納差我的。
10:41 為著先知的名來接納先知的，欲得著先知的賞；為著義人的名來接納義人的，欲得著義人的賞。
10:42 見若為著學生的名，干單用一杯冷水互諸個細子的一個飲的，我實在給恁講，伊決斷失落伊的賞。」