29:1 約伯閣續接提起伊的言論講：
29:2 願我親像從前許個月，親像上帝保守我的日。
29:3 彼時伊的燈照佇我的頭殼；我靠伊的光行過黑暗。
29:4 親像我佇秋天的日，佇我的布棚，上帝及我親密；
29:5 全能者猶久及我佇；我的子兒佇我的四圍。
29:6 用奶洗我的腳；石磐給我出油成溪。
29:7 我行到城門，佇街市設我的座位；
29:8 少年人看見我就走去匿，老人也起來徛；
29:9 首領就停止伊的話，用手掩的嘴；
29:10 貴族無開聲，舌頭粘佇上 ，
29:11 因為耳孔聽見的，就稱我做有福氣；目睭看見的，就給我做干證；
29:12 因為我拯救哀求的艱苦人，及無父的子無人幫助的。
29:13 得欲死無的人給我祝福；我也互寡婦的心歡喜來唱歌。
29:14 我穿公義，伊也用我做衫，用公平做袍，做帽。
29:15 我做睛暝人的目睭，做跛腳的人的腳。
29:16 我做喪鄉人的父；平素呣識者的案件，我查察伊。
29:17 我拍折歹人的牙槽，搶伊的嘴齒所咬的。
29:18 我就講：我欲死佇我的巢，我的日子欲加添，親像沙。
29:19 我的根伸到水邊；露水歸暝落佇我的枝。
29:20 我的榮光佇我常常新；我的弓佇我的手閣再緊。
29:21 人聽見我就聽候，靜靜等我指教。
29:22 我講了，就無閣講；我的話親像雨滴佇的頂面。
29:23 聽候我親像聽候雨水，大開的嘴親像欣慕春天的雨。
29:24 失望，我安慰；會改變我的面的光。
29:25 我給揀路，我坐頭位；我親像王佇軍隊中徛起，閣親像安慰傷心的人。