28:1 出銀有伊的礦；所鍛煉的金也有伊的所在出。
28:2 鐵是對地裡取出來；銅是對石鎔出來。
28:3 人消無彼個黑暗，尋到盡底，有黑暗及死蔭中的石，
28:4 伊離開人寄腳的所在開穴，行佇彼頂面的人無想著伊；離開人，墜佇穴中甩來甩去。
28:5 論到地，米糧對遐出，伊的下底親像互火給伊反起來。
28:6 伊的石中有藍寶石，伊也有金沙。
28:7 彼條路鷹鳥呣識；小鷹的目睭也無看見。
28:8 惡獸呣曾踏著伊；猛獅也呣曾對遐過。
28:9 伊伸手拍石，對山的根基給伊反起來，
28:10 伊佇石頭中開溝，親目看見逐樣的寶物。
28:11 伊塞密水互伊滴落來，閣提出隱密的物互伊見光。
28:12 總是，智慧對叨落會尋著？聰明的所在佇叨落？
28:13 伊的價錢無人知，佇活人的地也無地通尋。
28:14 深淵講：無佇我遮；大海講：無及我佇。
28:15 會用黃金來得著伊，也會秤銀做伊的價錢。
28:16 俄斐的金值著伊，寶貴的碧玉，及藍寶石也；
28:17 黃金及玻璃比得伊；好金的器具無夠額及伊換。
28:18 珊瑚、水晶攏無夠額通講；因為得著智慧贏過真珠。
28:19 古實的黃玉比得伊；足成的金呣值著伊。
28:20 按呢智慧對叨落來？聰明的所在佇叨落？
28:21 既然對一切有活命者的目睭隱密，對空中的飛鳥遮掩。
28:22 亞巴頓及死失講：阮耳孔聽見伊的風聲。
28:23 上帝明白智慧的路，也知伊的所在。
28:24 因為伊鑑察到地的極頭，遍看普天下，
28:25 定著風的輕重，閣量水的多少；
28:26 伊給雨水定著例，給雷電定著伊的路。
28:27 彼時伊看見伊，來講明伊；伊造成伊，閣查察伊。
28:28 伊對人講：看啊，敬畏主就是智慧；離開歹就是聰明。