18:1 書亞人比勒達應講：
18:2 你尋話縫欲到甚麼時啊？你著斟酌想，然後阮才講。
18:3 阮啥事互你掠做精牲，互你看做流 啊？
18:4 你此個大受氣拆裂家己的，地豈會為著你來受棄拺嗎？石磐豈會徙開原位嗎？
18:5 歹人的光實在欲熄；伊的火焰欲無光。
18:6 伊布棚內的光欲變做黑暗；伊頂面的燈也欲熄去。
18:7 伊嚴硬的腳步欲抵著阻礙；伊的計謀欲絆倒伊家己。
18:8 因為伊的腳害伊家己入陷坑，伊行佇活罩的頂面。
18:9 圈套欲纏著伊的腳後；羅網欲掠著伊。
18:10 活扣為著伊埋佇土裡；絆索為著伊張佇路裡。
18:11 四圍有驚惶欲互伊驚，閣追趕伊的腳後。
18:12 伊的氣力欲衰微；災禍便便佇伊的身邊。
18:13 伊欲吞伊的皮肉；歹症頭欲吞食伊的肢體。
18:14 伊欲佇所倚靠的布棚受拔出來，帶到通驚的王遐。
18:15 無屬伊的欲徛起佇伊的布棚；欲有硫磺撒佇伊所徛起的所在。
18:16 佇下底伊的根頭欲枯焦；佇頂面，伊的枝欲剪除。
18:17 伊的紀念欲滅無佇地上；伊的名字也無留佇街市裡。
18:18 伊欲對光明中受趕到黑暗，閣欲受趕出世界。
18:19 佇伊的百姓中欲無子無孫；佇伊寄腳的所在也無留一人佇。
18:20 為著伊的日子，後來的人卬愕，親像前的人的驚惶。
18:21 不義的人的家實在是按呢；這就是呣識上帝的人的所在。